Tuesday, January 24, 2017

நன்றி நன்றி நன்றி சகோதர சகோதரிகளே


ஆதாயம் தேடும் அரசியல் 
உண்மை கூறா ஊடகம் 
வெறியாட்ட விஷமிகள் 
காவலுள் சில கேவலம்.......

எத்தனை வரினும் எத்தனை வரினும்

இழிச்சொல் பழிச்சொல் எதிர்த்து நின்றாய் 
உரிமை காத்தாய் உறவு காத்தாய்
புரட்சிக்கும் ஒரு புரிதல் செய்தாய் 
உலகம் வியக்க வெற்றி கண்டாய்.....

போராடி நீ பெற்ற பொக்கிஷத்தை 
நல் பால் உண்ணும் மகளிடம் 
நாளை,மார்தட்டி புகழச் சொல்வேன்.....

தடம் மாறா தம்பிக்கும் தங்கைக்கும் நான் அக்காள் என்று 
அறம் மாறா அண்ணனுக்கும் அக்காளுக்கும் நான் தங்கை என்று 
அன்பு ஊட்டும் ஆத்தாளுக்கும் அப்பனுக்கும் நான் மகள் என்று.......

நன்றி நன்றி நன்றி சகோதர சகோதரிகளே.....


Tuesday, April 22, 2014

கடற்கரை


இளம்காலை பொழுது, இயற்கையின் வாசம்
சுட்டும் சுடாத சூரியன், தீண்டி செல்லும் தென்றல்
உள் அமைதியை உணரச் செய்யும் சமுத்திரத்தின் கூக்குரல்
பாத ஜோடிகளின் முத்திரை தாங்கிய மணல் பரப்பு

எட்டா வானில் மேகம் தீட்டிய அழகோவியங்கள் 
அதை எட்டி பிடிக்க துள்ளி குதிக்கும் மீன் கூட்டம்
ஒய்யார பொம்மைகளாய் ஆங்காங்கே பனை மரங்கள்
பசி துறக்க பண்டம் தேடும் பறவை கூட்டம்

பரந்த கடலை பங்கு போட பயணிக்கும் இரு பாய்மரப் படகுகள்
நுரை பொங்கும் கடலலையில் துள்ளி குதூகலிக்கும் தலைமுறை
கண பொழுதையும் களவாட துடிக்கும் காதல் கூட்டம்
அப்பப்பா...கவிதை பாட காட்சிகளின் அரங்கேற்றம்...

சுகமாய் தான் இருக்கிறது ஆர்ப்பரிக்கும் கடலலைகள் என் கால் நனைத்து செல்லும் போது......
என்னுள்
சுகமாய் தான் இருக்கிறது ஆர்ப்பரிக்கும் கடலலைகள் என் கால் நனைத்து செல்லும் போது......

Tuesday, April 9, 2013

ஒரு கதையால் அறியாது தெரிந்தவை


நண்பர் ஒருவர் புதிர் கொண்ட கதை ஒன்றை நட்பு வட்டத்தில் பகிர்ந்து கொண்டார். தெரியாது அறிந்தவையும் அறியாது தெரிந்தவையும் அன்றாட தேடலில் சேர்த்தியுண்டு. ஒரு சிறு கதை கூட என் தேடலுக்கு இத்தனை தீனி போடும் என்று அறியாது போனது இந்த அறிவு. அக்கதையை படித்தபின் தோன்றிய எண்ணங்களை அக்கதையுடன் சேர்த்து இங்கு பதிவு செய்துள்ளேன். 

குணம் அறியாது அதன் மனம் அறியாது
பண்பு அறியாது அதன் பணிவு அறியாது ...

சினம் அறியாது அதன் திறன் அறியாது
புகழ் அறியாது அதன் புதிர் அறியாது ...

விடை அறியாது அதன் வினா அறியாது
கோள்  அறியாது அதன் குறி அறியாது ...

ஊண் அறியாது அதன் உயிர் அறியாது
உளவு அறியாது அதன் உள் அறியாது...

அருள் அறியாது அதன் அறிவு அறியாது
இருள் அறியாது அதன் ஒளி அறியாது ...

விதி அறியாது அதன் மதி அறியாது
இ-தினம் அறியாது என் பிணமும் அறியாது ...

நிதம் ஓடி நான் தேடி சேர்த்தது...

பொருளல்ல இருளா ?
விதையல்ல வினையா?



Story

There was a father who left 17 camels as an asset for his three sons.
When the father passed away, his sons opened up the will.

The Will of the father stated that the eldest son should get half of 17 camels while the middle son should be given 1/3rd (one-third). The youngest son should be given 1/9th (one-ninth) of the 17 camels.
As it is not possible to divide 17 into half or 17 by 3 or 17 by 9, three sons started to fight with each other. So, the three sons decided to go to a wise man.

The wise man listened patiently about the Will.

The wise man, after giving this thought, brought one camel of his own and added the same to 17. That increased the total to 18 camels.

Now, he started reading the deceased father’s will.

Half of 18 = 9. So he gave the eldest son 9 camels
1/3rd of 18 = 6. So he gave the middle son 6 camels
1/9th of 18 = 2. So he gave the youngest son 2 camels.

Now add this up: 9 plus 6 plus 2 is 17 and this leaves one camel, which the wise man took away.

There is solution to every problem. First, we have to believe there is a solution. Sometimes, we may have to start looking outside of the problem to find a solution.......It may not be as simple as finding the 18 th camel but to solve a problem we have to believe that a solution exists and work towards it........

Friday, November 9, 2012

என் வீட்டு விலங்குகள்


என் மகள் செல்லும் தமிழ் வகுப்பில் வீட்டுவிலங்குகள் என்ற தலைப்பில் ஒரு கதை அல்லது கட்டுரை அல்லது கவிதை  அல்லது வரைபடம் செய்து எடுத்து வருமாறு சொல்லி இருந்தனர். அவளுக்காக  வீட்டுவிலங்குகள் பற்றிய ஒரு சிறு பாடல்.

கொக்கரக்கோ கோழி உண்டு
கொண்டை வச்ச செவளுண்டு

தோத்தோ குட்டி நாயுமுண்டு 
தோழனாய் ஒரு பூனை உண்டு

பால் குடுக்கும் பசுவும் உண்டு 
பார்த்து மகிழ முயலும் உண்டு

துள்ளி ஓடும் கன்றும் உண்டு 
தூது செல்லும் புறாக்கள் உண்டு

வண்ண வண்ண மீன்கள் உண்டு 
வார்த்தை பேசும் கிளிகள் உண்டு

பட்டு பாப்பா நண்பர்களாய் , 
இத்துனையும் என் வீட்டில் உண்டு!!!!!!

நாளைக்கு தீபாவளி

வேணு ஒரு மாதமாய் காத்திருந்த தீபாவளி நாளைக்கு...

நாளைக்கு  தீபாவளி நாளைக்கு  தீபாவளி நாளைக்கு  தீபாவளி...
ஐயோ வேலைக்கு போன அம்மா அப்பா  இன்னும் காணோமே..
பக்கத்துக்கு கடை பட்டாசு தீந்திடுச்சுனா என்ன செய்ய
காலைல முதல்ல எந்திருச்சுடனும்..சோமு வ முந்திடணும்
முதல்ல பட்டாசு போட்றனும்....
நம்ம வீட்டு வாசல் ல தான் குப்ப ரொம்ப இருக்கணும்.....

நாளைக்கு  தீபாவளி நாளைக்கு  தீபாவளி நாளைக்கு  தீபாவளி...
அம்மா என்ன பலகாரம் செய்யும்?
அப்பா என்ன வாங்கி தருவார்?
டிவி ல என்ன நிகழ்ச்சி வரும்?
ஐயோ வேலைக்கு போன அம்மா அப்பா இன்னும் காணோமே..

நாளைக்கு  தீபாவளி நாளைக்கு  தீபாவளி நாளைக்கு  தீபாவளி...
டேய் முருகேசா .. நீ எந்த கலர் டிரஸ் டா?
நான் சிகப்பு  சட்டை ப்ளூ ஜீன்ஸ் டா...
நாளைக்கு பாரு சூப்பர் ஆ இருக்கும்
சோமு என்ன டிரஸ் போடுவான்?

நாளைக்கு  தீபாவளி நாளைக்கு  தீபாவளி நாளைக்கு  தீபாவளி...
புஷ்வானம் கம்பி மத்தாப்பு சரவெடி அணு குண்டு எல்லாம் வாங்கணும்..
நாளைக்கு  தீபாவளி நாளைக்கு  தீபாவளி நாளைக்கு  தீபாவளி...
ஐயோ வேலைக்கு போன அம்மா அப்பா இன்னும் காணோமே.....


வேலையில் அம்மா யோசனை...

நாளைக்கு  தீபாவளி.....
பிள்ள பட்டாசு கேட்டுச்சே ... சிக்கிரம் கிளம்பனும்..
பஜார்ல கூட்டம் நகர முடியாது...
2  மாசம் சேர்த்து வச்ச காசிருக்கு..
பத்திரமா கொண்டு போய் பட்டாசு வாங்கணும்
பாவி மனுசர் அவர் எங்க வாங்க போறார்...
காசை கரியாக்கிற னு புள்ளைய பிடிச்சி திட்டுவார்...
நாளைக்கு  தீபாவளி.....

நாளைக்கு  தீபாவளி.....
என்ன சமைக்கலாம் .. போன வருஷம் ஒன்னும் பண்ணல
இந்த வருசமாவது எதோ செய்வோம்...
மனுசருக்கு போன் போட்டு பலசரக்கு வாங்க சொல்லணும்..
வீட்டை   போய் தூத்து துடைக்கணும்...
நைட் ஏ துணிதுவைச்சி பாத்திரம் கழுவி வைக்கணும்..
வெள்ளன எந்திரிச்சி தலைக்கு ஊத்தணும்....
மலைப்பாய் இருக்கே .. நாளைக்கு  தீபாவளி

வேலையில் அப்பா யோசனை...


வந்திரிச்சி தீபாவளி... நாளையோட முடிஞ்சது..
இனி அடுத்த வருஷம் தான்...
ஒரு மாசமாய் மண்டை காயுது...
தீபாவளி போனஸ் துணி எடுத்தாச்சு..
சலுகைல புது போன் வாங்கியாச்சு..

நாளைக்கு  தீபாவளி...
சீக்கிரம் கிளம்பனும்  கடைசி நேரத்துல கடைக்கு அனுப்புவா..
பட்டாசு வாங்கிருப்பா பிள்ளை கேட்டுருச்சுல .... இருப்பாளா...
எவளோ காசு கரியாகுதோ... புரியாதுங்க...
பத்து கடை ஏறி இறங்கி பேரம் பேசுவா..
வேணு சைக்கிள் ஒன்னு கேட்டான்
ஏதாவது தீபாவளி ஸ்பெஷல் போடுறானா னு பார்க்கணும்.

நாளைக்கு  தீபாவளி...
என்ன சண்முகம் சார் உங்க வீட்டுல என்ன ஸ்பெஷல்
புது துணி பட்டாசு வாங்கியாச்சா? ...
நாளைக்கு சன் டிவி ல சாலமன் பட்டிமன்றம் எத்தன மணிக்கு சார்?
வேற என்ன ஸ்பெஷல் ப்ரோக்ராம் சார்? 
வீட்டுல காத்திருப்பாக சிக்கிரம் கிளம்பனும்..
வரேன் சார்  நாளைக்கு  தீபாவளி...